Pouca actividade
Un artista alégrase de que lle veñan as musas, pero iso é pan para hoxe e fame para mañán, a non ser que o artista teña que ver coa SGAE, que eses sacan pan de onde sexa. O caso é que é mellor ter as musas ca que veñan. Xa sexan persoas, vivencias ou obxetos etc.
É mellor ter historias que contar, sobretodo se son vividas, aínda que estén "adornadas", que esperar a que nos veña esa inspiración divina.
Ultimamente, eu, nin unha cousa nin a outra, aínda que espero porme as pilas. Nos últimos días, a miña vida anda bastante aburrida e carente de sentido.
Ademais, agora veñen os exames e terei que frear este ano de vivir de can (academicamente falando) e porme a estudar. Se a festa e os traballos mo permiten, claro. Que de algo hai que vivir.
Todo isto e máis, é a explicación da pouca actividade actual no meu blog e outras páxinas nas que colaboro.
Espero redimirme.
Hai 7 comentarios e 0 trackbacks. Léronse 206 veces.
